La veillà en veulla

Capitté in an oi e in an nà
Que su pé veulla ian tot poulità
..henche succédeat té,
Ma ieh la veillà di viiel méhté
 
Di gourmandise e de la tradition
Que aviquille no dué tusor na grosa emosion
Za le dove deumendze davan, la tzen se retrouvé en piahé qeumeua
Pé poulitté zeumen, piahé, ehtabio, croton e co la teua
 
Deumendzè « ecologiche » lé van demandé
In co se démandavon « corvé »
Ma co henecché ieh bien bé
Ieh na magnéé pé sè retrové
 
E hi deusando net can lo soleil ieh case pé catzi
Se vèillon le preumì tzen que vegnon pé mentzi
Pé aia lé vieil mehté le avechion pà
Ma se fermon iù duon na bocoà
 
Se vèillon dè tzen dé per hé
Ma surtù bien dé fohté
Que mintzon, beiion e fan atinsion
De rèmarqué lé baghé tusor bellé dé la nouhtra tradision
 
Du pì dé veulla a lo-htà, dé prouvé u prà perret
Ogni veun metré té senteh in copièt
Ma lo pieu bé ieh hilai di viietté
Que tzantavon can sivon tzovéetté
 
A travaillì ian retrovasé in fioc dé tzen
Di minà i vieii e hissé dù méten
Di piaehtré i traversén
Tuit ian quittà i mitté fasteugghié e tzagrén
 
Se vei lo favro e lo ehcofuì
Qui bat lo bià u dzerby
Di rèsciù u ciavatén
E qui avo l'abéc distillé lo vén
 
Qui dué da béé e da mentzì
Di trafolle bueaié a la méihtra dé grì
E ieh pageun que se tié en daré
Tenqué i bignet e u café.
 
Té vei dé vatzé dé feillé e dé tzivré
No fan veré in co commé sé fiivé a vivré
Can dé euro dé coca cola né sivè pà
Ma d'in greupet a l'atro se fiivé na tzantà
 
Ian feno récordé lé mehté e la mentzì
E co lé nouhtré tzen que tornon pamì
Tot hénecché no sobbré commé qeulteua
En parten de tzarie vatzì e en passen pé piahé qeumeua
 
E lo tzor apré can ieh passaié la fehta
Ieh qui se senteh lo sermon e qui lo ma a la tehta
Pa a tuit put allé bèn henché en féi
Ehcoutté tuit e fai tusor miei
 
Alé avanti en avichien en daré
Prendé lo bon e savésé accontenté
Avichì comme nen vehchì e pa gieusto tammé nen gagnà
Co hénécché iat muhtrano LA VEILLA '
 
 
Arnad, lo 6 de madeléa 2004 – lo zor appré.
Melchior de zamp